افتخار ایلرم اعصاره علی شیعه‌سی‌ام
مداح: حاج مهدی رسولی
عنوان: امام علی علیه السلام
سبک: واحد
مداحی همراه با متن
متن مداحی
حاج مهدی رسولی
افتخار ایلرم اعصاره علی شیعه‌سی‌ام
بند اول
افتخار ایلرم اعصاره علی شیعه‌سی‌ام
دئیرم فخریله همواره علی شیعه‌سی‌ام
عاشقم سیّدالابراره علی شیعه‌سی‌ام
اگمرم باشیمی اغیاره علی شیعه‌سی‌ام
ملکه مالکدی علی، عالمه سلطاندی علی
سربه¬سر خلقت اگر پیکر اولا جاندی علی
شیعیانون شریانینده گزن قاندی علی
سسلیر گر ویرا فوّاره علی شیعه‌سی‌ام
عشقه مظهردی علی، حجّت داوردی علی
همسر فاطمه‌دی، جان پیمبردی علی
جامی‌نون تشنه‌سی‌ام ساقی کوثردی علی
باخمارام عدنیده انهاره علی شیعه‌سی‌ام
من علی‌نون آدینی ورد زبان ایلمیشم
گونده اوچ یول بو آدی ذکر اذان ایلمیشم
دینیمون پیکرینه عشقینی جان ایلمیشم
قالمارام دهریده آواره علی شیعه‌سی‌ام
آقامین من آدینا جانیمی قربان ائدرم
دوشسم هر مشکله بیر «یاعلی» عنوان ائدرم
بو سؤزی یکسره عالملره اعلان ائدرم
تاپولار مشکلومه چاره علی شیعه‌سی‌ام
عاشقم حیدره من عشقیم عیار ایلیرم
چشم اغیاره ایشیقلی گونی تار ایلیرم
سسلرم «یاعلی» وهّابی‌نی خوار ایلیرم
جان فدا حیدر کرّاره علی شیعه‌سی‌ام
حیدرین دشمنی‌نون گؤزلرینی بیز اویاروق
عشق و ایمانیمیزه عالمی حیران قویاروق
بئله فکر ایلوری وهّابی، علی‌دن دویاروق
سسلروک نقش اولا ادواره علی شیعه‌سی‌ام
ای اذاندا ائدن اقرار بو معنایه دیلی
گل سنه شرح ائلیوم معنی خیرالعملی
خیرالأعمالیدی حبّ علی و آل علی
زینت اولسون بو سؤز اشعاره علی شیعه‌سی‌ام
خوشدی عشّاقه یازام بو سؤزی من، جالبدی
هر عمل که اونا ربّ ازلی طالبدی
جوهری حبّ علی ابن ابی‌طالبدی
بنده‌ام خالق غفّاره علی شیعه‌سی‌ام
عالمه فخر ائدرم؛ عالمه مفخردی علی
جمله اشرافه شرفدی، سر و سروردی علی
خیبر اهلی دئ بیله، فاتح خیبردی علی
رعشه ساللام دل کفّاره علی شیعه‌سی‌ام
ای علی‌نی ائدن انکار! اول آگاه بونا
زادگاه ایلدی الله، ائوین عالمده اونا
تا علی‌نون باشینا عالم و آدم دولانا
شرم ائله دورما چوخ انکاره علی شیعه‌سی‌ام
یار طاهادی علی، شیعیه مولادی علی
صاحب منزلت عالی و والادی علی
ماسوا قطره اگر اولسالا دریادی علی
سیغینار هاردا بو گفتاره علی شیعه‌سی‌ام
شیعه قلبینده علی‌نون بلی حریّتی وار
شیعه شأنی اوجادی، شیعه‌لرین همّتی وار
شیعه آزاده اولار چون علوی غیرتی وار
اؤزومی قوشمارام اشراره علی شیعه‌سی‌ام
شیعه قویماز قدمین حبّ ریاست یولونا
چون ازلدن اولوب آگاه سعادت یولونا
جان فدا ایلیر عشقیله ولایت یولونا
سس قوشار زمرۀ احراره علی شیعه‌سی‌ام
«یاعلی» سسلیرم عالمه غوغا سالارام
کسسلرده باشیمی خطّ علیده قالارام
من خانیم فاطمه‌دن درس ولایت آلارام
او خانیم سسلدی همواره علی شیعه‌سی‌ام
دئمورم من دئدی بو نُه فلکین لنگری‌ام
افتخار ایلمورم شیرخدا همسری‌ام
افتخاریم بودی من حیدری‌ام حیدری‌ام
وئرمیشم بو دلی دلداره علی شیعه‌سی‌ام
مشاهده سایر مداحی های حاج مهدی رسولی
