چوخ بُیوک بیر کشتی دی؛ دولماز حسینون کشتی سی – حاج محمود کریمی
موضوع: مداحی همراه با متن
عنوان: امام حسین علیه السلام – محرم ۱۴۰۰
سبک: واحد
مداح: حاج محمود کریمی
متن مداحی
چوخ بُیوک بیر کشتی دی؛ دولماز حسینون کشتی سی
حاج محمود کریمی
بند اول
چوخ بُیوک بیر کشتی دی؛ دولماز حسینون کشتی سی
قورخما هِچ دریاده غرق اولماز حسینون کشتی سی
ایلیوب اذعان بونا نوح نبی الله ئوزی
غرق اولان وقته اونوندا کربلا دِیدی گوزی
ساحله یول تاپدی تِز چون یاحسین اولدی سوزی
قورخما هِچ دریاده غرق اولماز حسینون کشتی سی
جان حسین، جانان حسین
عالم سنه گوربان حسین
بند دوم
دوشدی بیر دریایه کی قان موج ایدوردی(اِدَردی) هر یانا
اولدی ناجی قویمادی دامانِ اسلام ایسلانا
سَنده سعی ایله حسین مصباحی قلبینده یانا
قورخما هِچ دریاده غرق اولماز حسینون کشتی سی
جان حسین، جانان حسین
عالم سنه گوربان حسین
بند سوم
ای حسین سربازی پاکیزه نهادون حفظ ایله
هر زمان روحیّه‌ی عشقِ جهادون حفظ ایله
اعتماداِتکربلایه اعتقادون حفظ ایله
قورخما هِچ دریاده غرق اولماز حسینون کشتی سی
بو حسین کشتی سی سانما، ناخداسیز کشتی دی
ناخداسی عشقیدی والله بلاسیز کشتی دی
بوردا شاهیله گدا بیردی ریاسیز کشتی دی
قورخما هِچ دریاده غرق اولماز حسینون کشتی سی
جان حسین، جانان حسین
عالم سنه گوربان حسین
بند چهارم
حضرت صادق بیوردی صاحب علم رفیع
بیزده کشتی نجاتوخ خلقه محشرده شفیع
لیک کشتی سی حسینون تندرودی هم وسیع
قورخما هِچ دریاده غرق اولماز حسینون کشتی سی
هربلا گلسه مریضلیق گلسه وحشت ایلمه
حفظ جان واجبدی اما گوزله غفلت ایلمه
یا حسین دِ اوزگیه عرض ارادت ایلمه
قورخما هِچ دریاده غرق اولماز حسینون کشتی سی
جان حسین، جانان حسین
عالم سنه گوربان حسین
بند پنجم
حکم عقلانی بودور جبران مافات ایلیاخ
هرنه دستور ولایتدی مراعات ایلیاخ
شیعه لیخ شخصییَتین دنیایه اثبات ایلیاخ
قورخما هِچ دریاده غرق اولماز حسینون کشتی سی
یل یاتار طوفان یاتار
یاتماز حسینون پرچمی
بند ششم
بو قارا پرچملر اثبات ایلور عشقین عزتین
هیچ اَبَر قدرت یُخا بیلمیز حسینون ملتین
بو حسین عالملرین تضمین ایدر امنیتین
قورخما هِچ دریاده غرق اولماز حسینون کشتی سی
جان حسین، جانان حسین
عالم سنه گوربان حسین
